Missiun

Interpresas vegnan dumandadas pli e pli da declerar lur engaschament social. Adina pli savens ston ins ademplir vastas normas u declerar l'engaschament specific. Uschia ston ils "Sustainable Development Goals" (SDG) da l'ONU vegnir ademplids oz, sch'in product en il territori da la UE vul chattar ses martgà (decleraziun da products), sch'els vulan vegnir furnids sco furniturs mezs products ad ina interpresa en il territori da la UE u sch'i duai vegnir preschentà la persistenza en process da submissiun. Ma er "products finanzials persistents" s'orienteschan a la SDG.

 

Vi da l'exempel da la Convenziun da la ONU davart ils dretgs da persunas cun impediments – ch'è simplamain applitgabla en la finamira sociala da la SDG, po quai vegnir explitgà a moda evidenta:

 

En Svizra vivan tenor las stimaziuns da l'uffizi federal da statistica var 1,7 milliuns persunas cun in impediment.* Da quellas valan 29 %, pia bunamain 500'000 persunas, sco fermamain donnegiadas e blers dad els vivan en chasas da dimora u en instituziuns spezialisadas.

​

Per pussibilitar a quests umans ina vita uschè integrativa ed autodeterminada sco pussaivel, malgrà il basegn da sustegn, ha la Svizra suttascrit l'onn 2014 la Convenziun da la ONU davart ils dretgs da persunas cun impediments (CDPI). La speranza da cuntanscher ina realisaziun svelta ed uschia in agid per persunas pertutgadas è creschida suenter bunamain 10 onns da la negligientscha. Meglieraziuns èn bain vegnidas realisadas, ma en emprima lingia dal traffic public. En il sectur da l'integraziun èsi vegnì fatg sin plaun naziunal pauc fin nagut durant tut quels onns.

​

Nus chattain conclood: igl è temp da finalmain prender serius ils giavischs dals umans che dovran sustegn e da laschar suandar ils gronds pleds d'ina giada. Pli ditg ch'ins spetga, politisescha e tactescha, pli ditg che l'emprim vegnan relaschadas leschas e stgaffidas administraziuns e pli ditg che blers conumans pateschan d'in stadi ch'ins avess gia daditg pudì meglierar.

​

Nossa missiun è simpla: I dat bleras persunas ed interpresas socialas che han bunas ideas co cuntanscher las finamiras da la CDPI; deplorablamain als manca savens la finanziaziun necessaria. Nus preschentain questas ideas ad interpresas che vulan s'engaschar socialmain a moda persistenta. Projects che gidan per exempel directamain umans cun impediments a manar ina vita uschè integrativa sco pussaivel, pon uschia vegnir sustegnids directamain ed uschia er realisads. 

​

Da quai profitan tant persunas che dovran urgentamain sustegn sco er interpresas che vulan ademplir lur responsabladad sociala. Cun gidar activamain sco societad ch'i giaja meglier als flaivels en l'avegnir, profitescha dentant er l'entira Svizra.

​

L'inclusiun vul dir: mintga uman duai pudair esser da la partida dapertut.

​

*Funtaunas: UST – retschertga davart entradas e cundiziuns da viver (SILC), statistica da las instituziuns da sanadad sociala (SOMED), enquista davart la sanadad en Svizra (SGB)