top of page
Search
  • Writer's picturePatricia Da Cruz

Ussa èsi temp da far midadas



La Svizra stat davant ina vieuta decisiva: Malgrà leschas progressivas e malgrà il confess a standards internaziunals vivan qua var 1,7 milliuns umans cun impediments che fruntan anc adina mintga di sin las barrieras. Questas restricziuns sutmineschan lur capacitad da sa participar independentamain a la vita sociala. Sco societad orientada vers il futur è il temp madir per far in pass decisiv e per iniziar in process da transfurmaziun inclusiv. Mo uschia creain nus in futur pli gist per tuttas e tuts en Svizra.


La necessitad da l'inclusiun

L'inclusiun è la clav per ina societad, en la quala tuts survegnan las medemas schanzas, independentamain da restricziuns fisicas u psichicas. Ella creescha in spazi ch'è urgentamain necessari, nua che mintgin ha la pussaivladad da sviluppar ses potenzial cumplet – quai n'è betg mo in cumandament dals dretgs umans, mabain er in imperativ per giustia sociala e progress economic.

 

Ils dis d' acziun naziunals actuals per ils dretgs da persunas impedidas e la proxima iniziativa d' integraziun en Svizra avanzan questa midada e transfurman ils ideals en acziuns concretas. Ella pretenda che persunas cun impediments possian decider libramain davart lur lieu d'abitar e davart lur furma d'abitar e cumbatta plinavant l'exclusiun en la furmaziun, en il traffic public, en la cultura ed en il martgà da lavur. L' iniziativa pretenda er dapli assistenza, uschia che tuttas e tuts possian sa participar activamain a la vita professiunala e politica.

 

Pertge pertutga l'inclusiun nus tuts?

L'inclusiun è bler dapli ch'in concept social; el è in element da construcziun d'ina societad che sa basa sin resilienza e diversitad. Mintgin da nus pudess esser confruntà cun restricziuns corporalas u psichicas tras in'auta vegliadetgna. Las mesiras inclusiv ils access senza barrieras e las prestaziuns da servetsch multifaras n'èn perquai betg mo essenzialas per umans cun impediments durabels, mabain augmentan la qualitad da viver per nus tuts e pussibiliteschan uschia a mintga singula persuna da viver independentamain ed autodeterminada.

 

L'inclusiun è er la clav per ina societad pli gista e persistenta. L'egualitad ed autodeterminaziun da tuts na signifitgescha betg mo in meglier preschent, mabain er in avegnir cun dapli speranza per las generaziuns vegnintas. L'integraziun d'umans cun impediments porta novas perspectivas ed experientschas preziusas en nossa cuminanza, ch'èn indispensablas per la creschientscha culturala, la diversitad ed il svilup social. Questa diversitad promova innovaziuns, pussibilitescha novas soluziuns per sfidas e contribuescha uschia ad ina societad pli gista.

 

Appel d'agir

Ina chaussa è clera: igl è ura per ina Svizra, nua che mintga uman ha la pussaivladad da viver plainamain sia vita. Il 2024 è l'onn, en il qual nus pudain metter ensemen la basa per ina societad pli integrativa e gista.

 

Nus essan ordvart motivads da gidar cun Conclood a concepir in avegnir, nua che l'inclusiun e la gistia n'èn betg finamiras idealisticas, mabain ina realitad vivida. I na sa tracta betg da main che dad ir ussa cuminaivlamain la via da la transfurmaziun per crear ina societad che resguarda propi ils umans cun impediments.

 

L'inclusiun pertutga nus tuts – ma ella cumenza era cun nus.

 

Foto da Nathan Anderson sin Unspash.com

0 comments

Comments


bottom of page