top of page
Search
  • Writer's pictureBenno Stäheli

Mancanza da forzas spezialisadas? Nagin fastiz, sche la lavur fa senn.



Dapi la fundaziun Conclood l'entschatta november 2023 avain nus publitgà sin la pagina d'internet sut "jobs" intginas plazzas che nus occupassan gugent per pudair cumenzar endretg il 2024. Quai èsi lura era stà per il mument gia cun tschertgar activamain talents.

 

Quai ch'è capità lura è stà per nus pli che surprendent. Nus essan vegnids annunziads da numerusas persunas che s'interessan per las plazzas libras. E quai evidentamain betg da quellas persunas che ston trametter in'annunzia per la statistica, mabain da persunas spezialisadas d'auta qualitad cun in curs da vita impressiunant. Tuot ils candidats valabels per ils posts vacants.

 

Nossa emprima dumonda è adina stada, pertge ch'els s'annunzian tar in start-up, sch'els lavuran actualmain en interpresas grondas ed enconuschentas che valan per blers bain sco patruns d'emprima classa. La resposta era adina la medema: "Perquai che jau vi exequir per la proxima fasa da mia carriera in job che fa propi senn ed al qual jau poss dar enavos insatge." Uschè simpla che questa resposta è era, tant fa vegnir pensiv. Nus stuain anc cumplettar che las candidatas ed ils candidats eran tuts passa 40 onns vegls.

 

I dat para bleras spezialistas e spezialists excellents en Svizra che n'èn betg pli ventiraivels en lur lavur actuala, malgrà ch'ellas han fatg ina carriera impressiunanta ed èn s'etablidas en posiziuns da cader en lur interpresa. Tuttina vulan els ir davent, perquai ch'els han chattà ora per sasezs en la fasa actuala da la vita ch'els vulan impunder lur energia e lur talent per insatge che porta in niz a la societad e che na serva betg mo per maximar il consum da products u servetschs. Schizunt cun buna conscienza ch'els ston far in pèr pass enavos tar in start-up a l'entschatta, avant ch'els pon lura puspè ir ensi.

 

Nus essan fitg satisfatgs da quella circumstanza. Blers discurs captivants han lieu actualmain e nus essan fitg da buna speranza, che nus pudain cumenzar il 2024 cun in team d'emprima classa e manar Conclood uschè svelt al success. In success che va surtut a favur da las persunas cun impediments. E questa finamira n'è apparentamain betg mo per nus motivaziun da s'engaschar cumplainamain per quai.

0 comments

Comments


bottom of page